Abonimi Yt = Pavarësia Jonë Editoriale

Gazetaria e lirë ka kosto. Qëndrimi i pavarur kërkon mbështetje. Abonohuni sot që e vërteta kurrë të mos blihet, heshtet apo shantazhohet.

Të nderuar lexues,

Prej ditës së parë kemi qenë të përkushtuar t’ju sjellim gazetari të pavarur, të thelluar dhe të pakomprometuar pa pagesë. Kemi besuar se e vërteta duhet të jetë publike, e hapur dhe e qasshme. Por ta mbash të vërtetën të lirë ka një kosto shumë të lartë.

Gazetaria profesionale kushton. Hulumtimet, udhëtimet, burimet, siguria dhe koha e një redaksie serioze janë shpenzime të mëdha dhe kur duam të qëndrojmë plotësisht të pavarur, pa u varur nga interesa financiare, donatorë apo sponsorë që mund të ndikojnë vijën editoriale, atëherë e vetmja rrugë e ndershme është mbështetja direkte nga lexuesit.

Dua t’ju informoj se duke nisur nga 1 Nëntori, përmbajtja jonë nuk do të mund të ofrohet më falas.

Ne nuk po ndalemi, përkundrazi, po vazhdojmë më të përqendruar se kurrë. Por prej 1 Nëntorit, qasjen e plotë do ta kenë vetëm abonentët tanë të regjistruar me apo pa pagesë.

Tarifat e abonimit janë:

• £5/muaj – platforma në gjuhën shqipe

• £12/muaj – platforma në gjuhën angleze

Deri më 28 Nëntor, ofrojmë 10% ulje për të gjitha abonimet, si një dritare mbështetjeje për ata që kanë qenë me ne deri tani. Pas kësaj date, çmimet do të rikthehen në nivelin standard.

Mbështetja juaj nuk shkon për luks. Ajo shkon për hulumtime, për prezencë në terren, për të ekspozuar politikat armiqësore ndaj vendit, kombit dhe rajonit tonë, për të ngritur zyrat tona në Kosovë, Shqipëri dhe Maqedoninë e Veriut, dhe për të garantuar se askush »askush« nuk mund ta blejë heshtjen apo kompromisin tonë editorial.

Nëse besoni se kombi ynë meriton gazetari vigjilente dhe të pakapur, atëherë ju ftojmë të abonoheni dhe t’ua sugjeroni edhe të tjerëve. Kjo është mënyra e vetme që të vazhdojmë të raportojmë, zbulojmë dhe mbrojmë të vërtetën, me dinjitet dhe pa frikë.

Faleminderit për besimin dhe mbështetjen.

Me respekt,
Vudi Xhymshiti
Frontline Media, Themelues.