Agjentja që nuk u verifikua kurrë
Agjentja e shkarkuar Kosovare tani drejton SHiSH-in, duke ndezur frikë për besnikërinë dhe ndikimin e huaj. Derisa Edi Rama hyn në mandatin e tij të katërt, a e ka zëvendësuar shteti në hije atë real?
Agjentja e shkarkuar e Kosovës tani drejton SHiSH-in, duke ndezur frikë për besnikërinë dhe ndikimin e huaj. Derisa Edi Rama hyn në mandatin e tij të katërt, a e ka zëvendësuar shteti në hije atë realin?
Më 11 maj 2025, ndërsa Shqipëria shkonte drejt kutive të votimit dhe Edi Rama1 marshonte drejt një mandati të katërt të pritshëm, makineria e shtetit dukej më e konsoliduar se kurrë. Por përtej dekorit të njohur të një pushteti të vendosur me autobusët e fushatës, prerjet e shiritave dhe paraqitjeve televizive të stërpërsëritura fshihej një ndryshim më i heshtur, më i errët: ngulitja e fuqisë së shërbimeve inteligjente në duart e një dinastie politike që prej kohësh i ka turbulluar vijat midis qeverisjes dhe kontrollit.
Në zemër të këtij zhvillimi ndodhet Vlora Hyseni, një shtetase kosovare me të kaluar të diskutueshme në strukturat e inteligjencës së vendit të saj. Para dy vjetësh, Rama siguroi emërimin e saj si Drejtoreshë e Shërbimit Informativ të Shtetit (SHISH), një lëvizje e konfirmuar me dekret presidencial, por pothuajse e pa-adresuar në debatin publik. Rruga e saj drejt këtij posti, sidoqoftë, nuk ishte aspak e zakonshme.
