Për vite me radhë, Richard Grenell e shndërroi burgimin e Hashim Thaçit në një premtim politik të lidhur drejtpërdrejt me rikthimin e Donald Trumpit në Shtëpinë e Bardhë. Mesazhi ishte i thjeshtë dhe për këtë arsye ishte edhe i fuqishëm në Kosovë. Trump duhej të fitonte, Grenell duhej të kthehej pranë pushtetit, dhe Thaçi duhej të dilte nga burgu. Trump fitoi. Grenell u kthye në administratën e tij. Thaçi nuk u kthye në Prishtinë. Më 16 shtator 2026, ish presidenti i Kosovës u dënua në shkallë të parë me 25 vjet burgim për krime lufte, përfshirë arrestim dhe ndalim të paligjshëm ose arbitrar, trajtim mizor, torturë dhe vrasje. Kadri Veseli u dënua me 18 vjet, Rexhep Selimi me 13 vjet dhe Jakup Krasniqi me 25 vjet, ndërsa të katërtit u shpallën të pafajshëm për akuzat për krime kundër njerëzimit. Aktgjykimi nuk është përfundimtar dhe mund të apelohet.
© 2026 The Frontline Media Group · Privacy ∙ Terms ∙ Collection notice
Substack is the home for great culture