Korridori Moskë–Beograd dhe hija e Drenasit

EKSKLUZIVE: Shqiptar, rus e bjellorus pas korridorit Moskë–Beograd; 1 milion euro në kufi. Pse pretendohet se Shqipëria s’po bashkëpunon?

Në një pasdite të zymtë janari në Moskë, tri javë para ndalimit rrugor në Drenas, nisi një udhëtim që sot ka nevojë për më shumë qartësi se sa një lajm i thjeshtë për hyrje të paautorizuar.

Më 21 janar 2026, sipas dokumenteve të fluturimit që i ka parë redaksia jonë në Londër, një pasagjer udhëtoi nga aeroporti Sheremetyevo në Moskë, një nga portat kryesore ndërkombëtare të Federatës Ruse, nga Terminali C, drejt Beogradit me fluturimin JU 131 të Air Serbia. Ora e nisjes figuron 14.00. Në faturën e itinerarit shkruhet “Operated by AirSERBIA”. Një imazh i kartës së hipjes në avion shënon Zona 1 dhe vendi 24A, me datë 21.01.2026.