Kur Gjurmët Digjitale Rrëzojnë Mohimet e Zekës dhe Sahitajt
Fotografi, fluturime dhe rrëfime të regjistruara zbulojnë gjurmët digjitale dhe dëshmitë personale që ndriçojnë lidhjet e fshehta mes Milaim Zekës dhe Halit Sahitajt.
Në Ballkanin e turbullt, ku politika dhe shërbimet e errëta shpesh ndajnë të njëjtën tryezë, po zbulohen të dhëna shqetësuese që hedhin dritë mbi përpjekjet e koordinuara për të sabotuar drejtësinë në Kosovë1. Një status i postuar më 3 korrik 20252 nga ish-deputeti dhe figura e njohur publike Milaim Zeka në rrjetin social Facebook, në dukje një retorikë e zakontë politike, ka rezultuar të jetë porta hyrëse në një rrjet të mundshëm me ndikim politik: një rrjet i fshehtë ndikimi, shantazhi dhe komprometimi me synim figurat publike, i lidhur me shërbime të huaja dhe me objektiva të qarta politike.
Zeka, duke u paraqitur si mbrojtës i vlerave liberale, përdori një gjuhë që, në vend se të nxisë mirëkuptim dhe respekt ndaj komunitetit LGBTQI+, përçoi nëntekst të qartë diskriminues dhe denigrues. Ai pretendoi se kishte miq nga ky komunitet, përfshirë persona me varësi ndaj substancave narkotike, por gjuha e përdorur dhe mënyra se si i ndërlidhi këto karakteristika nuk linin vend për keqkuptim: qëllimi ishte të përdorte gjuhë që mund të interpretohet si denigruese ndaj komunitetit LGBTQI+, duke i instrumentalizuar ato për qëllime politike.
Gunpowder Chronicles kishte gjurmuar për t’i verifikuar dyshimet që lidhen me Milaim Zekën dhe kishte publikuar gjetjet në prill3, një hulumtim që çoi në ekspozimin e një skeme shumë më të ndërlikuar sesa shpërthimet impulsive të Zekës në rrjetet sociale. Gjetjet tona zbuluan se Zeka drejtonte një rrjet të strukturuar bashkëpunëtorësh4, të cilët vepronin në sinkron për ta minuar dhe diskredituar sistemin e drejtësisë kosovare në Hagë, duke i vënë në shënjestër të gjithë ata individë që refuzojnë bashkëpunimin me këtë rrjet kriminal.
🔒 Ky artikull është i disponueshëm vetëm për abonentët tanë.
Në disa raste, ata ndërtonin dosje komprometuese për të shantazhuar viktimat e targetuara, një veprim i përsëritur që, sipas gjetjeve tona, përfshin Milaim Zekën dhe bashkëpunëtorin e tij Halit Sahitaj, një individ i cili, sipas të dhënave të mbledhura, ka ushtruar veprimtari të dyshimta me karakter operativ me aktivitete që, sipas të dhënave të mbledhura, ngjajnë me praktika të operacioneve të ndikimit të huaj, përfshirë inteligjencën ruse, sipas burimeve të sigurisë.
Në një përmbledhje prej 333 minutash të komunikimeve të regjistruara gjatë periudhës shkurt 2025. Në një segment 33-minutësh të bisedës së datës 22 shkurt, Sahitaj në mënyrë të pavetëdijshme dhe nën efektin e hutisë zbulon një përzierje emocionesh personale mes tij dhe Milaim Zekës, përfshirë zhgënjime romantike dhe insinuata me natyrë komprometuese. Këto rrëfime hedhin më tej dritë mbi përpjekjet e tyre për t’u infiltruar dhe manipuluar opinionin publik në Kosovë.
Kur pyeten drejtpërdrejt, si Zeka ashtu edhe Sahitaj e mohojnë se e njohin njëri-tjetrin apo kanë ndonjë marrëdhënie private mes tyre, por rrëfimi i pavetëdijshëm i z. Sahitaj e zbulon të kundërtën.
Dëgjojeni se çfarë thotë Halit Sahitaj:
Gjetjet tona hulumtuese tregojnë se me instruksione të Milaim Zekës, Halit Sahitaj në muajin shkurt 2025, kishte fabrikuar një dokument dhe ma kishte ofruar atë si raport të shërbimit informativ ukrainas, ku pretendohej se ish-ambasadori amerikan Richard Grenell kishte marrë pagesa në kriptovaluta nga oligarkë rusë. Një analizë përmbajtësore dhe gjuhësore e atij dokumenti zbuloi shpejt se ishte i fabrikuar. Kur refuzova t’i publikoj këto pretendime në këtë dokument për shkak të mungesës së besueshmërisë, Sahitaj më ofroi një shumë prej 5,000 eurosh në këmbim të publikimit. Kjo situatë shënoi një pikë kyçe në hulumtimin tonë, duke ngritur dyshime serioze rreth qëllimeve të vërteta të Sahitajt dhe lidhjeve të tij.
Me kalimin e kohës, kishim filluar të gjurmonim veprimtarinë e z. Halit Sahitaj, pasi ai na kishte lënë përshtypjen se po përpiqej të na përfshinte në marrëveshje financiare me qëllim që, sipas analizës së ekipit tonë, të ndërtonte materiale komprometuese ndaj nesh, të cilat më pas besohet se do të përdoreshin për të na shantazhuar dhe rekrutuar në rrjetin dezinformativ e kriminal të drejtuar nga Milaim Zeka.
Paralelisht, filluam të monitoronim aktivitetin e z. Zeka në rrjetet sociale. Gjatë hulumtimeve tona, hasëm në një paraqitje të tij në televizionin Top Channel5, ku ai akuzonte publikisht Richard Grenell-in, duke cituar pretendime nga një dokument i dyshimtë për autenticitetin, sipas analizës së redaksisë6 që na ishte dhënë më herët nga vetë Sahitaj.
Pas këtyre gjetjeve ne vendosëm ta kontaktojmë me telefon z. Milaim Zeka për ta pyetur drejtpërdrejt rreth dokumentit në fjalë, si dhe për të kuptuar nëse ai mund të konfirmonte apo mohonte lidhjet e tij të mundshme me Halit Sahitaj. Në këtë audio-regjistrim të telefonatës zt Zeka e mohon se e njeh Sahitajn personalisht. Por, më lartë, Sahitaj e konfirmon të kundërtën.
Dëgjoni audio-regjistrimin e kësaj bisede, të realizuar më 7 shkurt 2025 me të intervistuarin Milaim Zeka.
Gjetjet tona hulumtuese zbuluan se lidhja ndërmjet Halit Sahitajt dhe Milaim Zekës nuk është e rastësishme. Dëshmitë tregojnë për një komunikim të vazhdueshëm, shkëmbimi të materialeve dhe takimeve të dokumentuara.
Më 7 korrik 2025, Zeka publikoi një fotografi nga aeroporti i Frankfurtit7. Në pamje të parë, një postim rutinë. Por analiza e të dhënave të integruara në atë fotografi zbuloi se ai ishte nisur drejt Malagës me fluturimin LH1148, destinacioni që ndodhet vetëm 50 minuta me makinë nga Marbella, ku burime të verifikuara kanë konfirmuar se Halit Sahitaj ndodhet në arrest shtëpiak. Vetë Sahitaj e kishte konfirmuar vendndodhjen e tij gjatë komunikimeve paraprake me redaksinë tonë.
Një ditë më pas, më 8 korrik, Zeka publikoi një tjetër fotografi ku shfaqej në ambientet e hotelit luksoz “Don Pepe Gran Meliá” në Marbella8. Gjurma digjitale e fotografisë vërtetoi vendndodhjen dhe kohën, duke treguar qartë se Zeka kishte qëndruar në këtë hotel për të paktën një natë, një natë që kushton rreth 750 euro.
Ky nuk është rasti i parë i dokumentuar i vizitave të Zekës pranë Sahitajt. Në verën e vitit 2024, hulumtimet tona me burime të shumta nga Berlini, Londra dhe Marbella konfirmuan takime të ngjashme ndërmjet Zekës dhe Sahitajt9. Ndërkohë, një veturë e tipit Ferrari me targa gjermane, e publikuar nga Zeka në rrjete sociale në korrik 202410, rezulton të jetë marrë me qira nga vetë Sahitaj, siç ky i fundit e konfirmoi në komunikim me ne.
Pavarësisht mohimeve të përsëritura publike nga ana e Zekës për çdo lidhje personale apo profesionale me Sahitajn, provat e grumbulluara tregojnë të kundërtën. Komunikimet tona me Sahitaj përmbajnë pretendime për lidhje personale të mundshme ndërmjet tij dhe Zekës, të cilat nuk janë verifikuar nga burime të pavarura.
Në anën tjetër në regjistrimet tona dhe komunikimet e ruajtura, Sahitaj sugjeron një marrëdhënie të ngushtë me Zekën, që shkon përtej bashkëpunimit taktik të operatorëve politik. Dëshmitë e tij nuk janë vetëm rrëfime emocionale, por pjesë e një strukture shantazhi të dizajnuar për të komprometuar gazetarë dhe për të ndikuar diskursin publik.
Më shqetësuesja është se kjo fushatë e diskretitimit dhe manipulimit nuk kufizohet te imazhi i individëve, por shtrihet në themel të vetë drejtësisë. Gjetjet tona hulumtuese tregojnë se Zeka është i përfshirë në përpjekje për të diskredituar Gjykatën Speciale në Hagë duke falsifikuar një mori dokumentesh e dëshmishë të cilat më pas ai i transmeton në ekrane televizive të afërta me grupet kriminale që ai synon t’i mbroj11. Zeka nuk ka hezituar ta cilësoj Gjykatën Speciale të Kosovës në Hagë edhe si “gjykatë serbe”. Dokumente dhe burime të verifikuara gjithashtu tregojnë se Zeka i ka shitur pamje të luftës producentes serbe të Radio Televizionit të Serbisë (RTS)12, të cilat janë përdorur në një film dokumentar propagandistik për të akuzuar UÇK-në për trafik organesh13, një pretendim tashmë i hedhur poshtë nga vetë Gjykata e Hagës14.
Kjo është më shumë se një histori për hipokrizinë politike apo për jetën e dyfishtë të një figure publike. Ky është një tregim i ndërlikuar për kapjen e narrativës publike, komprometimin e zërit të lirë dhe infiltrimin e drejtësisë nga forca që nuk njohin kufij. Në Ballkan, ku të vërtetat historike dhe drejtësia janë ende plagë të hapura, kjo histori shërben si një paralajmërim se kush e kontrollon narrativën, kontrollon edhe drejtësinë. Por në një peizazh kaq të minuar, gazetaria mbetet gardiani i vetëm që mund të ekspozojë hijet. Dhe këto hije, tashmë, janë më të qarta se kurrë.
Një Gazetar, një Ndërmjetës dhe një Mjeshtër i Manipulimit
Jeta e Dyfishtë e Milaim Zekës: Në hijet e errëta të politikës dhe medias kosovare, pak figura mishërojnë kontradiktën dhe polemikën si Milaim Zeka, qytetari kosovaro-suedez i kthyer në një figurë të njohur mediatike.
Brenda Komplotit për Shkatërrimin e Gjykatës Speciale
Si më ofroi një person me nofkën 'Laky Laky' 5,000 euro për të botuar një tregim të rremë për Richard Grenell, duke e demaskuar një rrjet të madh të dezinformimit kundër drejtësisë në Kosovë. — SPOTLIGHT.
Milaim Zeka 3 Korrik, 2025 — Postim në Facebook.
The Conspiracy Against Kosovo's Justice System Unraveled
In response to manipulated attacks, we're granting free access to our latest investigative report, ensuring every reader sees the unfiltered truth. — The GPC I Unit.
Një Gazetar, një Ndërmjetës dhe një Mjeshtër i Manipulimit
Milaim Zeka: dezinformues i lidhur me krimin dhe shërbimet ruse, që paguhet për të shtrembëruar narrativën e Kosovës për të goditur Tribunalin Kosovar të drejtësisë në Hagë. — SPOTLIGHT.
Dëshmia A: Postim në rrjete sociale që referon fluturimin me numër LH1148 (Frankfurt–Malaga), 7 Korrik 2025 — PDF The GPC Digital Investigation Unit.
Dëshmia B – Foto nga hoteli Don Pepe Gran Melia në Marbella e shpërndarë nga Milaim Zeka në rrjetin e tij në Facebook — PDF.
Kjo dëshmi dixhitale përmban një postim në Facebook të bërë nga Milaim Zeka më 8 korrik 2025, i cili përfshin një foto të etiketuar në ose pranë hotelit Don Pepe Gran Melia në Marbella, Spanjë. Postimi ishte publikisht i qasshëm dhe i datuar, duke shërbyer si dëshmi vizuale e pranisë së Zekës në Marbella një ditë pas nisjes së tij të regjistruar nga Frankfurti.
Në një bisedë në aplikacionin Signal, Sahitaj pranoi se kishte marrë me qira një Ferrari gjatë verës 2024 dhe konfirmoi targën: NM-DZ 77. E njëjta makinë u gjet e postuar në faqen zyrtare të Milaim Zekës në Facebook30 më 22 korrik 2024. Pavarësisht këtij fakti, Zeka ka mohuar publikisht çdo lidhje personale apo njohje me Sahitaj. SPOTLIGHT.
Panduri si Prokuror, Zeka si Hakmarrës: Tribunali i Rremë i Dukagjinit
Faktet mbetën jashtë studios. Brenda, tymi vallëzonte mbi gënjeshtra. U përmend drejtësia, por u ushqye turpi. Si u cenzurua e vërteta në TV Dukagjini. — SPOTLIGHT.
Postimi i Milaim Zekës në Facebook 27 Nëntor, 2024 ku ndër të tjera ai shkruan: “ ….. per nje te drejte autoriale qe “Mozaiku” i kishte dhene RTS, per perdorimin e disa pamjeve te luftes te Koshares, qe veq kane qene te shfaqura ne YouTube. Takimi eshte mbajtur ne International Prishtina Hotel. Nga Beogradi ka ardhur nje gazetare femer, nje mashkull, une, dhe gruaja ime. Pas nenshkrimit te marreveshjes, kemi rene dakort qe shuma prej 1950 euro te paguhej ne konton e nuses time ne Tirane….. “ [https://www.facebook.com/milaimzekaobri/posts/pfbid0gHfLXgqUJGP7JJLoUCyXpehv4MPXfMoevjiSYUBfQqxQzu9ivizYvQnkp46CrCGPl]
Postimi i Milaim Zekës, i arkivuar nga redaksia jonë në format PDF, lidhet me pamjet e luftës që ai ia kishte shitur producentes së Radio Televizionit të Serbisë, Sladana Zaric — [PDF File].
Profili i Producentes Serbe Sladana Zaric në RTS [https://rtsplaneta.rs/en/credit/author/45743/sladana-zaric]
Novosti (E Përditshmja serbe) – “Ministri Vulin: Reçaku është një gënjeshtër e madhe…” (10 dhjetor 2021) — Më 10 dhjetor 2021, Ministri i Punëve të Brendshme të Serbisë, Aleksandar Vulin, vizitoi sheshin e xhirimeve të dokumentarit propagandistik “Dosije Kosovo – Račak”, një projekt i regjisores Sladana Zaric. Gjatë vizitës, Vulin u shpreh me lavdërime për Zaric, duke e përgëzuar për, siç tha ai, “prezantimin e së vërtetës për Reçakun në mënyrë rigoroze dhe të dokumentuar”.
Deklarata e ministrit përfaqësonte jo vetëm një mbështetje politike, por një konfirmim të hapur se Ministria e Brendshme e Serbisë e konsideron projektin pjesë të një përpjekjeje të qëndrueshme për të ruajtur dhe përforcuar narrativën shtetërore serbe mbi luftën në Kosovë — në këtë rast, duke mohuar një nga krimet më të dokumentuara të luftës: Masakrën e Reçakut. Krenaria institucionale që Vulin shfaqi për përfshirjen e MPB-së në mbështetjen e këtij projekti është tregues i një përpjekjeje të vazhdueshme për të rishkruar historinë nëpërmjet mjeteve të dokumentarit, duke maskuar mohimin dhe relativizimin e krimeve nën petkun e “hulumtimit të pavarur mediatik”. Në këtë kontekst, bashkëpunimi i figurave si Sladana Zaric me strukturat shtetërore të sigurisë e vendos punën e saj më shumë në shërbim të interesave politike sesa të së vërtetës historike. [https://www.kosovo-online.com/vesti/politika/vulin-racak-je-velika-laz-i-strasan-falsifikat-10-12-2021]
Vëzhguesi i Mediave i UNMIK / N1 – “Vulin: ‘Agresioni i NATO-s filloi pas gënjeshtrës për Reçakun’” (Dhjetor 2021) Përmbledhje në anglisht që konfirmon deklaratat e Vulin — UNMIK Online. Gjithashtu theksohet se komunikata për shtyp e Ministrisë së Brendshme vlerësoi Zaric, duke deklaruar se ajo tregoi se si e vërteta për Reçakun mund të paraqitet në mënyrë studimore dhe të bazuar në prova. Po ashtu përmendet se “Dosja Kosovë” ishte bashkëprodhim i RTS-së dhe MPB-së. UN Media Observer, duke theksuar mbështetjen zyrtare për punën e saj.
Platforma ‘Planeta’ dedikuar producentes se RTS-it Sladana Zaric — (https://rtsplaneta.rs/en)
Sladana Zaric, autorka filma „Dosije Кosovo - Žuta kuća“, zahvalila se MUP-u Srbije — YouTube MUP Serbia.
Konferencë për shtyp e ICTY (16 prill 2008) – ICTY konfirmon se asnjëherë nuk është paraqitur ndonjë provë për akuzat mbi trafikimin e organeve para trupit gjykues. — ICTY.
Deklaratë për shtyp e Task-Forcës Hetimore Speciale të BE-së (29 korrik 2014) – Hetuesi kryesor Clint Williamson konstaton mungesë provash të mjaftueshme për të ngritur aktakuza lidhur me trafikimin e organeve, duke theksuar se janë identifikuar vetëm raste të kufizuara. — Reuters.