Kush e paguan Florent Zeqajn për ta përgatitur atentatin tim fizik

Kjo është një përgjigje tërësisht personale ndaj Florent Zeqajt, sepse fushata e tij me montime operative e përgatit terrenin mediatik për asgjësimin tim fizik.

Kjo është një përgjigje tërësisht personale ndaj Florent Zeqajt, sepse kur një individ e merr përsipër ta përdorë imazhin tim, emrin tim dhe punën time për ta ndërtuar një fushatë të pastër linçimi publik, çështja pushon së qeni thjesht një debat profesional apo parimor.

Kjo është personale sepse kur Florent Zeqaj angazhohet për të vjellë vrer dhe për t’shpërndarë montime operative, ai nuk po i sulmon thjesht shkrimet e mia gazetareske, por po e përgatit terrenin mediatik për asgjësimin tim fizik, duke tentuar të më shndërrojë në një shënjestër të pranueshme për strukturat kriminale të cilave ai iu shërben. Kjo është personale. Kushdo që e vë në dyshim gjakun, familjen apo integritetin tim profesional të ndërtuar me dekada në mediat ndërkombëtare, do të përballet me shpartallimin e plotë të gënjeshtrave të tij patologjike.

“E ty Zoti t’marroft Vudi Xhymshiti, e krejt atyne shqiptarëve që flasin shqip e mendojnë serbisht”, kështu e nis Florent Zeqaj video-reagimin e tij prej shtatë minutash, ku me një sfond flamujsh të prodhuar nga inteligjenca artificiale dhe një shikim të ngrirë pas thjerrave masive të syzeve që i ngjajnë një ekrani televiziv, përpiqet ta luajë rolin e gjykatësit moral të kombit.

Ky njeri shfaqet në hapësirën publike pa asnjë kualifikim profesional në fushën e gazetarisë, pa asnjë kontribut të dokumentuar në gazetari dhe pa asnjë peshë intelektuale për ta ekzekutuar fazën e parë të një operacioni të pastër të Shërbimit Informativ të Kosovës, atë të vrasjes së karakterit të një gazetari hulumtues. Kur dikush nuk ka asnjë dokument për t’i rrëzuar hulumtimet tona mbi parashtresën përfundimtare të Prokurorisë së Specializuar në Hagë dhe nuk posedon asnjë kundërprovë ndaj skemës së vrasjeve politike të pasluftës, rruga e vetme që i mbetet është ajo e fabrikimit, linçimit dhe shpalljes së tjetrit si armik të kombit.

Florent Zeqaj nuk po bën polemikë publike sepse polemika kërkon intelekt, lexim dhe ballafaqim faktesh, por ai po e kryen një shërbim të paguar operativ për llogari të strukturave kriminale të SHIK-ut duke përgatitur moralisht terrenin për asgjësimin tim fizik.

Gjatë gjithë monologut të tij të rremë, Zeqiri nuk ndalet në asnjë paragraf të vetëm të shkrimeve të mia, nuk citon asnjë fjalë që e konsideron të pasaktë dhe nuk e identifikon asnjë datë apo arkiv të shtrembëruar. Në vend të kësaj, ai shfaq video të prodhuara nga inteligjenca artificiale që dështojnë ta replikojnë madje edhe kualitetin e xhirimeve të vitit 1999, duke treguar njerëz mbi traktorë me armë në duar që bërtasin UÇK, UÇK.

Zeqaj bërtet para kamerës duke pretenduar se “shkak i asaj lufte, ne sot flasim shqip”, një deklaratë absurde që injoron faktin se shqipja është folur gjithmonë përpara asaj lufte, por ky analfabet funksional duket se e ka harruar këtë.

Në asnjë rresht të botuar në KRONIKAT E BARUTIT nuk është sulmuar lufta çlirimtare e popullit të Kosovës. Ne e bëjmë dallimin themelor juridik dhe njerëzor mes sakrificës së një populli për liri dhe krimeve individuale politike të kryera nga individë që sot përballen me drejtësinë në Hagë për vrasje të qëllimshme të luftëtarëve, gazetarëve, politikanëve dhe aktivistëve shqiptarë.

Por për Florent Zeqajn dhe makinerinë propagandistike të Partisë Demokratike të Kosovës, ky dallim duhet të fshihet me çdo kusht sepse duke e barazuar veten me UÇK-në, këta lojtarë të pasluftës kanë vjedhur, plaçkitur dhe eliminuar kundërshtarët e tyre politikë për një çerek shekulli me radhë.

Kur ai përpiqet të bëjë thirrje për “ligjin e lustracionit” duke u përpjekur ta përdorë si mjet sulmi dhe vettingu ndaj meje, unë pajtohem plotësisht me idenë e një ligji të tillë, por jam i sigurt se kur ai ligj të zbatohet, njerëz si ai do të ekspozohen si bashkëpunëtorë të strukturave kriminale që ekzekutuan heronjtë e vërtetë të luftës.

Zeqaj ka guximin të pyesë se çfarë ka dhënë familja ime apo unë për Kosovën, ndërsa goja e tij është e mbushur me baltë dhe mbrojtje për ata që sabotuan luftën dhe vranë patriotët. Ai e mbron Hashim Thaçin, politikanin që u rekrutua nga shërbimi francez nën udhëzimet e Serbisë gjatë administratës së Jacques Chirac, në një kohë kur Parisi zyrtar sabotonte operacionet e NATO-s dhe ndihmonte në eliminimin e patriotëve si Behajdin Allaqi për të sjellë në krye njerëz që do të kryenin puçin në UÇK dhe do ta nënshkruanin kapitullimin e sovranitetit territorial të Kosovës përmes dorëzimit të armëve.

Zeqaj thotë se “kjo situatë na ka sjellë një figurë kontroversiale si një lloj gazetari që e quajnë Vudi”, por unë po ia kujtoj këtij analfabeti se unë nuk jam një lloj gazetari që më quajnë Vudi, unë jam Vudi Xhymshiti, dhe integriteti im gazetaresk është i çertifikuar nga mediat më të mëdha botërore si The New York Times, The Guardian, Telegraph Media Group dhe Associated Press, ku unë paguhem për punën time, përveç lexuesve që janë të abonuar me pagesë në portalin tim Kronikat e Barutit. Pyetja e vërtetë që Zeqaj duhet t’u përgjigjet qytetarëve është se kush dreqin e paguan atë për të vjellë vrer, për të shpërndarë montime operative dhe për të kryer sulme të porositura. Çfarë profesioni dhe çfarë kualifikimesh ka Florent Zeqaj përpara se të guxojë të vërë në dyshim integritetin e një gazetari që ka kaluar verifikimet më të rrepta në Britaninë e Madhe, ku pas një periudhe prove shtatëmujore fitova besimin e National Union of Journalists dhe sot gëzoj akreditimin si redaktor i politikës së jashtme. Ai përpiqet të më shënjestrojë publikisht në mënyrë që vrasësit e strukturës së tij kriminale ta kryejnë ekzekutimin fizik, një teknikë që unë e njoh mirë sepse jam shënjestruar kohë më parë nga njerëz si Milaim Zeka, Hisen Berisha, Elmi Reçica, Vehbi Kajtazi, Halit Sahitaj, Fitim Çeku, Berat Buzhala, Shkumbin Kajtazi Valon Syla etj, të cilët u përpoqën të krijonin kompromate¹ për të më shantazhuar dhe për ta goditur integritetin e drejtësisë.

Niveli i manipulimit të Florent Zeqajt e arrin kulmin kur ai përdor materiale të fabrikuara dhe audio-regjistrime të mia nga hulumtimet që i kam bërë ndaj Halit Sahitajt dhe lidhjeve të tij me shërbimet sekrete ruse. Zeqiri përpiqet ta përdorë një email të falsifikuar të vrasësit me pagesë të SHIK-ut, Nazim Bllaca, të cilin strukturat e tij u munduan ta nxirrnin si operativ të BIA-s serbe sepse vetë kishin lidhje me Beogradin, për të pretenduar rrejshëm se unë punoj për Serbinë.

Ai thotë në video se “nëse është fake kjo gjë, rregull, dil sqaro”, duke e përdorur saktësisht manualin e SHIK-ut për të më mbajtur të zënë me sqarimin e gënjeshtrave të tij në vend që të vazhdoj hetimin e krimeve të shefave të tij.

Unë nuk do të humbas kohë duke i zbardhur fabrikimet tuaja primitive për t’ju dhënë atyre fabrikimeve legjitimitet. Tradhtarët e vërtetë janë të mirëidentifikuar. Tradhtarët janë ata që i dorëzuan armët tek armiku dhe ata që e rekrutuan agjentin e shërbimit serb, si këshilltar presidencial të Hashim Thaçit, të cilin dhoma hulumtuese e televizionit publik të Kosovës e kapi duke tentuar të korruptonte njerëz me ryshfet për të dëshmuar rrejshëm për trafikim organesh.

Ky njeri që i mbron me fanatizëm të verbër figurat e pasuruara brenda natës guxon të përmendë emrin e Sahit Jasharit duke më akuzuar e duke thënë “qysh bre Vudi ty nuk t’vjen marre, për shembull, me akuzu një ditë pas vdekjes të Sahit Jasharin, me thanë që ka bo krime”, por ai as nuk di të lexojë dhe as nuk e kupton dallimin mes akuzës dhe raportimit të dëshmive të pakontestueshme që flasin për burgun e Likocit.

Florent Zeqaj qëllimisht hesht para pyetjeve të mëdha se pse familja Jashari mbeti pa municion në momentet më kritike, apo pse Rifat Jashari i kishte thënë Hashim Thaçit se nuk ishte i mirëpritur në shtëpinë e tij, një dëshmi e konfirmuar publikisht nga Gani Geci, Jakup Krasniqi e Rexhep Selimi.

Zeqaj refuzon të përballet mediatikisht me faktin se si “komandantët” e tij u bënë milionerë duke vjedhur fondet e përbashkëta të luftës Vendlindja Thërret, dhe se si Sami Lushtaku tentonte të eliminonte njerëz si Gazmend Halilaj që guxonin të flisnin hapur për këtë plaçkitje të madhe të pasurisë kombëtare.

Në delirumin e tij patriotik, Zeqaj përmend edhe Daut e Ramush Haradinajn duke deklaruar se “ata e kanë ndjekur Serbinë nga këtu”.

Megjithatë, ai harron se hulumtimet tona të kryera në bashkëpunim me Washington Post², Der Spiegel³ dhe ProPublica⁴, si dhe investigimet tona të pavarura, kanë zbuluar lidhje të ngushta operacionale të tyre⁵ me Richard Grenellin. Ky i fundit, i vërtetuar nga hulumtimet tona se punon me Rusinë dhe Serbinë për ta minuar Kosovën, u dekorua nga Aleksandër Vuçiq me “Urdhrin e Flamurit Serb” vetëm 30 ditë pasi Serbia vrau policin Afrim Bunjaku në sulmet e Bansjkës.

Fotografitë dokumentojnë tre takime publike me rëndësi politike: dekorimin e Richard Grenellit nga Aleksandër Vuçiq, pritjen e Milan Radoiçiqit nga Ramush Haradinaj dhe takimin e mëvonshëm të Haradinajt me Grenellin në Shtetet e Bashkuara.

Zeqaj harron gjithashtu se ishte vetë Haradinaj ai që solli Milan Radoiçiqin në zyrën e Kryeministrit, duke i dhënë atij miliona euro nga paratë e taksapaguesve kosovarë, si dhe e mbylli Institutin për Dokumentimin e Krimeve të Luftës dhe Gjenocidit Serb në Kosovë⁶. Për më tepër, hulumtimet tona zbuluan se Haradinaj, në bashkëpunim me Grenellin, mundësuan infiltrimin në Kosovë të Ron Patrickut, një mercenar i lidhur me strukturat ruse të Wagner-it, i cili pretendonte rrejshëm se ishte shef i stacionit të CIA-s për Ballkanin, ndërkohë që punonte për të destabilizuar institucionet tona përmes një operacioni për grusht shteti⁷.

Kur Florent Zeqaj deklaron se Prokuroria duhet të merret me mua sa herë që shkel në aeroport, ai po lëshon një thirrje të hapur për persekutim shtetëror, duke harruar se unë jam një qytetar britanik i larguar në vitin 2012 pikërisht për shkak të tentativave për atentat nga kjo strukturë kriminale. Ata u përpoqën të ma blinin integritetin me 300 mijë euro për t’i tërhequr paditë e mia gjyqësore, dhe kur nuk ia dolën, e aktivizuan makinerinë e tyre të dhunës. Ky shënjestrim publik, i përkrahur edhe nga figura të larta të SHIK-ut si Elmi Reçica, i cili fabrikoi padi⁸ se gjoja unë e kam kërcënuar familjen e tij, është pjesë e një skeme që ka për qëllim ta bëjë të pranueshme vrasjen time fizike, në mënyrë që kur kjo të ndodhë, komuniteti i veteranëve të mashtruar dhe publiku të mendojë se unë e meritova sepse isha kundër UÇK-së. Unë po i shikoj komentet e lexuesve në postimin tënd, Zeqaj, ku bëhen thirrje të hapura për eliminimin tim fizik, dhe heshtja jote përballë tyre tregon saktësisht se ti je pjesë e këtij plani kriminal.

Unë po e bëj krejtësisht të qartë sot se Florent Zeqaj, së bashku me krejt trenin a maskarejve të vrasjes së figurave publike nëpërmjet formës së fushatave linçuese dhe çdo portal të financuar nga SHIK-u vrastar, AAK-ja, e PDK-ja si Jepi Zë, Gazeta Metro apo Gazeta Journal, ka marrë mbi vete një borxh gjaku ndaj familjes sime. Nëse mua më ndodh gjëja më e vogël fizike, nëse unë vritem, Florent Zeqaj dhe çdo individ që ka vendosur emrin e tij në këtë fushatë linçimi do të përballet me ligjin e pamëshirshëm të gjakmarrjes që miqtë dhe familjarët e mi do ta ndjekin deri në fund. Lista e këtyre njerëzve që po përgatisin terrenin për vrasjen time është tashmë publike, dhe nëse unë vritem, ju do të përgjigjeni personalisht sepse ne nuk do të lejojmë asnjë vrasës mediatik të fshihet pas retorikës së rreme kombëtare. Ky shërbim që ju po i bëni një kaste kriminelësh që tmerrohen nga dyert e gjykatës ndërkombëtare nuk do të mbetet pa llogari.

Ti Florent Zeqaj, nuk mund të më drejtohesh mua me fjalën “vëlla” sepse ti nuk je vëllai im, je thjesht një mjet i ndyrë në duart e atyre që e vodhën lirinë e Kosovës. Unë nuk do të ndalem dhe do të vazhdoj të shkel në aeroportin e Kosovës sa herë të dua, sepse e vërteta nuk trembet nga vrasësit tuaj gjakpirës. Të vërtetat tona do të vazhdojnë të botohen në KRONIKAT E BARUTIT, i cili është i vetmi emër zyrtar i projektit tonë hulumtues, dhe asnjë montim, asnjë gënjeshtër e fabrikuar dhe asnjë kërcënim i hapur nuk do të mund ta ndalë dritën e dokumenteve publike që i ekspozojnë tradhtarët e vërtetë të këtij vendi.

---

---

Brenda Komplotit për Shkatërrimin e Gjykatës Speciale

Si më ofroi një person me nofkën ‘Laky Laky’ 5,000 euro për të botuar një tregim të rremë për Richard Grenell, duke e demaskuar një rrjet të madh të dezinformimit kundër drejtësisë në Kosovë. — HULUMTIME

1.

2. Richard Grenell’s paid consulting included work for U.S. nonprofit funded mostly by Hungary - Washington Post.

3. Grenell soll für Trump jetzt das »Showgeschäft« dirigieren — Der Spiegel (https://www.spiegel.de/kultur/richard-grenell-soll-fuer-donald-trump-jetzt-das-showgeschaeft-dirigieren-a-39e08e10-54a8-4fbf-901c-a5b744a3718c)

4. Richard Grenell did not disclose payments for advocacy work on behalf of a Moldovan politician whom the U.S. later accused of corruption. — ProPublica.

5

Nga Kremlini te Kosova: Lidhja Grenell-Haradinaj

Ramush Haradinaj pozon me Richard Grenell, një lobues pro-serb me lidhje ruse. A është ky një aleat për Kosovën apo një kërcënim i fshehur? — HULUMTIME

6

Si u la në harresë dokumentimi i krimeve të luftës në Kosovë

I krijuar me vonesë dhe i mbyllur në heshtje, Instituti për Krimet e Luftës u bë simbol i dështimit institucional përballë kujtesës së luftës. — POLITIKA KOMBËTARE

7

Si u Hapën Dyert e AKI-së për një Njeri që CIA Nuk e Njeh

Langley e mohon çdo lidhje të Ron Patrickut me CIA-n ndërsa qasja e tij në AKI në emër të CIA-s mbetet pa shpjegim publik zyrtar. — HULUMTIME

Përplasja publike mes Elmi Reçicës dhe Vudi Xhymshitit kalon në rrugë ligjore

Reçica pretendon se është kërcënuar nga gazetari Xhymshiti, e ky i fundit i hedh poshtë akuzat dhe argumenton se kemi të bëjmë me një përpjekje për viktimizim politik përballë fakteve të publikuara. — RAPORTIM

8.