Milaim Zeka dhe Shtëpia e të Zhdukurit
Në vitin 2016, Snezhana Simonoviq foli për kontratë të rreme dhe akuzoi Milaim Zekën. Dokumentet e gjetura nga Kronikat e Barutit i japin dëshmisë së saj një peshë të re.
Dhjetë vjet para se KRONIKAT E BARUTIT ta gjenin kontratën, vajza e Zhivorad Kërstiqit kishte dalë në televizion dhe kishte thënë se ajo ishte e rreme.
Snezhana Simonoviq e akuzoi Milaim Zekën për uzurpimin dhe shfrytëzimin e shtëpisë së familjes dhe ngriti akuza edhe më të rënda, të cilat ne nuk i kemi provuar. Por një dekadë më vonë, dokumentet tregojnë diçka që nuk mund të shpërfillet: Kërstiqi figuronte i zhdukur që nga viti 1998, ndërsa më 2001 një kontratë e paraqiti si shitës të shtëpisë për 300.000 marka. Blerësja ishte ish-bashkëshortja e Zekës. Më vonë, vetë Milaim Zeka kërkoi rishqyrtimin e çështjes pronësore. Simonoviq kishte folur në vitin 2016. Tani dokumentet na lejojnë ta kontrollojmë, një nga një, çfarë tha ajo.
Nëse ky raportim ka vlerë për ty, ndihmoje të vazhdojë. Kontribuo sot për gazetari të pavarur, të guximshme dhe në shërbim të publikut.
