SI PO E VRET LDK REPUBLIKËN

Shifrat nuk gënjejnë, por Lumiri po. Rënia në trembëdhjetë për qind është dëshmia se qytetari nuk dëshiron më t'ia jap çelësat e shtëpisë një opozite sterile e të komprometuar.

Më 20 prill 2026, pas 53 ditësh negociatash të pasuksesshme për çështjen e presidentit, Lumir Abdixhiku doli para mediave¹ për të thënë se LDK-ja i konsideron bisedimet të mbyllura dhe se partia e tij është, praktikisht, jashtë procesit diskutues. Në thelb, mesazhi i tij ishte i thjeshtë. LDK-ja nuk do ta mbështesë një zgjidhje në të cilën edhe presidenca, edhe qeveria, edhe shumica parlamentare mbeten në duart e së njëjtës forcë politike. Sipas tij, kjo do të ishte e papranueshme politikisht dhe institucionalisht. Nga ajo pikë e tutje, tha ai, palëve të tjera u mbeten edhe shtatë ditë, përndryshe vendi shkon drejt një skenari të ri zgjedhor.