Tarifa e komunitetit një hap për qasje më të drejtë në gazetari të pavarur
Nga 7 prilli gazetaria jonë bëhet me abonim. Tani Tarifa e komunitetit ofron 25% zbritje për ata që duan qasje të drejtë dhe të pavarur.
Të dashur lexues,
Në fillim të kësaj jave, kur njoftuam se duke filluar nga 7 prilli të gjitha materialet e Kronikave të Barutit në gjuhën shqipe do të jenë të qasshme vetëm për abonentët me pagesë, kemi marrë një numër të madh mesazhesh nga ju.
Shumë prej jush veçanërisht mësues, pensionistë, veteranë të luftës së lavdishme çlirimtare dhe studentë na keni kontaktuar për të pyetur nëse ekziston mundësia e një tarife të reduktuar.
Këto mesazhe nuk kanë qenë thjesht pyetje. Kanë qenë shprehje e vullnetit për ta mbështetur gazetarinë e pavarur, edhe kur kushtet ekonomike e bëjnë këtë të vështirë.
Pas një shqyrtimi të kujdesshëm, kemi vendosur ta ndërmarrim një hap konkret.
Duke filluar nga sot, prezantojmë tarifën e komunitetit.
Kjo tarifë ofron 25% zbritje në abonimet mujore dhe vjetore për mësuesit, studentët, veteranët, të papunët dhe pensionistët.
Tani mund të abonoheni përmes linkut të dedikuar
https://www.kronikab.uk/tkomunitare
Ky link ju jep qasje direkte në abonimin me çmim të reduktuar nga €5 në muaj në €3,75.
Ky vendim nuk është thjesht financiar. Është një përpjekje për të siguruar që askush të mos mbetet jashtë për shkak të pamundësisë ekonomike.
Sepse gazetaria e pavarur ka vlerë vetëm atëherë kur është e qasshme.
Faleminderit për besimin dhe mbështetjen tuaj.
Me respekt
Vudi Xhymshiti.
Themelues i The Frontline Media Group.