Kur Gazetaria Përballet me Operatorët: Rasti Zeka–Sahitaj–Çeku
Sulmet e Fitim Çekut dhe Milaim Zekës, i dënuar për haraç tatimor, janë panik. Regjistrimet tona investigative e kapën mat Halit Sahitajn, ndërsa Çeku me Zekën po i maskojnë gjetjet tona.
Sot është shpërfaqur thjesht akti i radhës i një drame të parashikueshme propagandistike. Ky dështim i radhës për ta dëmtuar reputacionin tim nuk përbën asnjë befasí, ai vjen si hakmarrje e hapur fill pas serisë së raportimeve tona investigative që i ekspozuan lidhjet e Milaim Zekës me Halit Sahitajn dhe përfshirjen e tij në operacionet serbe përmes shitjes së pamjeve të kohës së luftës për televizionin shtetëror RTS, me qëllim fabrikimin e pretendimeve të rrejshme se UÇK-ja kishte bërë trafikim me organe njerëzore, pretendime këto të paraqitura në filmin dokumentar “Shtëpinë e Verdhë”, me pamje të Milaim Zekës.
Ky sulm vjen gjithashtu pas zbulimit të lidhjeve të tij të fundit me Fatmir Shehollin, personin me të cilin Zeka u arrestua nën akuzat për spiunazh. I tërbuar nga ekspozimi i aktivitetit të tij kriminal për evazion fiskal1, për të cilin u dënua me një vit burg me kusht dhe mbi 60 mijë euro dëmshpërblim ndaj Administratës Tatimore të Kosovës2, Zeka ka humbur çdo kontroll. Redaksia jonë po vazhdon të raportojë pa u ndalur për të, përfshirë edhe sulmet e tij të çmendura publike ndaj gjyqtares Edita Çanta, e cila e dha verdiktin e dënimit ndaj Zekës, të cilën Zeka guxoi ta deklaronte si “grua me probleme seksuale dhe psikologjike”3.
Pas kësaj fushate të ndotur qëndron operacioni i fundit propagandistik4 i faqes “Gazeta Journal”, e drejtuar nga Fitim Çeku. Kjo është një përpjekje e dëshpëruar dhe banale për ta ricikluar e manipuluar të vërtetën, duke pretenduar se unë, Vudi Xhymshiti, jam kapur në përgjime duke “komplotuar” me operativin e inteligjencës ruse (GRU), Halit Sahitaj, kundër Hashim Thaçit.
Realiteti i dokumentuar është krejt ndryshe, dhe si gjithmonë, i pastër në kauzalitet:
Ne i kemi regjistrimet tona: Çdo bisedë telefonike me Halit Sahitajn është e dokumentuar dhe e regjistruar paralelisht nga redaksia jonë në Londër. Gjatë këtij hulumtimi, qëllimi ynë strategjik ishte i qartë: të mos e trembnim operativin, por ta futnim në kurth duke e lënë të fliste, me qëllim që t’i konfirmonim ato që tashmë i dinim për rrjetin e tij.
Konteksti i transkriptit: Në audion e publikuar, ku unë dëgjohem duke i shpjeguar Sahitajt procedurat e verifikimit dhe pohimet e burimeve tona brenda PDK-së (se ai dhe Milaim Zeka mund ta kenë tradhtuar Thaçin për interesa të tyre), unë thjesht po e kryeja detyrën time si gazetar: po e ballafaqoja një subjekt hulumtimi me gjetjet tona për ta nxjerrë të vërtetën.
Kush është Fitim Çeku? Ky operator politik, që fshihet pas maskës së rreme të gazetarit, është ai që në fakt është i lidhur me Halit Sahitajn. Pasi redaksia jonë e ekspozoi rrjetin e tyre në prill të vitit 20255, Çeku hyri në websajtin tonë si një hajn i vockël që është ai, i vodhi dëshmitë tona fotografike (përfshirë ato të siguruara nga autoritetet zvicerrane mbi takimet e Sahitajt me agjentët rusë në Cyrih) dhe i përdori ato duke ua ndryshuar tërësisht narrativën6.
Lidhja me Grenellin7: Fitim Çeku është një lojtar periferik, por besnik i Richard Grenellit. Duke qenë se ky i fundit ka lidhje të qarta operative me Moskën, është plotësisht e kuptueshme pse Çeku ka qasje në regjistrimet e Sahitajt dhe pse po tenton ta krijojë këtë mjegull mediatike.
Mekanizmi i dështuar i sabotimit: Halit Sahitaj, Milaim Zeka e të tillët si Fitim Çeku tentuan ta korruptonin redaksinë tonë në prill të vitit 2025 përmes dokumenteve të falsifikuara mbi transaksione imagjinare në kriptomonedha ruse të Richard Grenellit, me qëllim që ta blinin heshtjen tonë ose të na përdornin për lojërat e tyre të dezinformimit. Pasi dështuan turpshëm, sot po i përdorin bisedat tona investigative si armë shpifjeje.
Kjo nuk është gazetari; ky është sabotim i pastër që synon të helmojë opinionin publik dhe t’i mbrojë strukturat e huaja të spiunazhit që po tentojnë të shkatërrojnë procesin e drejtësisë në Kosovë. Ne i kemi ruajtur të gjitha kopjet origjinale të regjistrimeve dhe provave. Çdo tentativë për ta manipuluar punën tonë hulumtuese vetëm sa do t’i fundosë më shpejt protagonistët e këtij komploti banal.
Dosja financiare e Milaim Zekës
Vetëm gjatë viteve 2012–2017, në qarkullimin financiar të Milaim Zekës figurojnë € 304.444,92 euro, shifra që sfidojnë realitetin ekonomik të gazetarisë në Kosovë. Kush po e financon Zekën? — HULUMTIME
Milaim Zeka shpallet fajtor për shmangie nga tatimi
Një gjykatë në Prishtinë e shpalli fajtor Milaim Zekën për shmangie nga tatimi dhe e urdhëroi t’ia kompensojë Administratës Tatimore të Kosovës 81 mijë euro dëm. — RAPORTIM
I dënuari Milaim Zeka e sulmon egërsisht gjyqtaren Edita Çanta
Gjykata në Prishtinë dënoi Milaim Zekën me burgim për shmangie tatimore, ndërsa pak orë më vonë ai e nisi një fushatë të egër linçimi ndaj gjyqtares Edita Çanta. — RAPORTIM
Brenda Komplotit për Shkatërrimin e Gjykatës Speciale
Si më ofroi një person me nofkën ‘Laky Laky’ 5,000 euro për të botuar një tregim të rremë për Richard Grenell, duke e demaskuar një rrjet të madh të dezinformimit kundër drejtësisë në Kosovë. — HULUMTIM